Советување за воведување на стандарди во земјоделското производство е темата на трибините организирани од страна на Регионалниот Центар Кочани во соработка со Про- кредит Банка. Трибините беа одржани во градовите Штип, Свети Николе и Берово. Заради подобра информираност на фармерите, вакви советувања ќе бидат одржани и во месец април во градовите Пробиштип, Кочани и Виница.

Во организација на Федерацијата на фармери на РМ Агенцијата за поттикнување на развојот на земјоделието во просториите на општина Берово беше одржано предавање на тема „Инвестиции во обезбедување на стандарди за безбедност на храна“.

Во тек е доставување на барања за користење на средствата од Програмата за финансиска поддршка за  руралниот развој - 2010година. Финансиската поддршка опфаќа модернизација на градинарство и овоштарство, одгледување на житни култури, на индустриски култури(фуражни култури, тутун).

Аронијата стана хит во Македонија. Масовно се купуваат и плодови и садници од единствениот репроцентар во Македонија, плантажата на пензионерот Ѓорѓи на Равна Река во Пехчево. Но, популарноста му ги донесе и крадците. Украдени се 400 садници на ова црноплодно овошје. Крадецот, го олеснил за околу 1000 евра, и се уште е непознат за полицијата. Сепак, годинава е за паметење, вели Ѓорѓи бидејќи, освен европски фармацевтски и винарски фирми, кои побаруваа аронија и до 50 пати повеќе отколку што може да произведе на неговите 10 декари, енормен интерес и кај Македонците